Otsaileko ohiko udalbatzarra egingo du gaur arratsaldean Azpeitiko Udalak, 19:00etan, udaletxeko areto nagusian. Zazpi puntuko gai zerrenda landuko dute udal hautetsiek gaurko bilkuran, eta Gizarte Zerbitzuen arloari lotutako bi gai daude zerrenda horretan: batetik, Perdillegiko adinekoen egoitza berriarekin lotutako HAPOaren lehen aldaketari behin betiko onarpena emango diote; bestetik, hainbat zerbitzu kontratatzeko espedientearen emaitzak ere jorratuko dituzte.
Hona hemen, otsaileko udalbatzarraren gai zerrenda osoa:
- 2024ko urtarrilaren 16an egindako udalbatzarraren akta onartzea.
- Azpeitiko HAPOren lehenengo aldaketa puntualari behin betiko onarpena ematea: Garmendialde 2 HE-ko 2.2. Perdillegi azpieremuari eta San Martin 2.3 JZ-ri dagokionez.
- Azpeitiko Udalaren 2023-2025 Dirulaguntzen Plan Estrategikoa eguneratzea.
- Gizarte Zerbitzuen alorreko zerbitzuak kontratatzeko espedientea (420K):
- Lehen lotea hutsik deklaratzea: etxez-etxeko laguntza (egunekoa, gauekoa eta integrala) eta etxebizitza tutelatuen kudeaketa.
- Bigarren lotearen esleipena: eguneko zentroa.
- 2023. ekitaldiko aurrekontuan 2023-KALD-000005-00 zenbakidun kreditu aldaketaren berri ematea.
- Alkatetzak 2023ko abenduaren 1etik 15era emandako ebazpenen berri ematea.
- Galderak eta erreguak.