Jai, astelehen eta astearte karnabalean Azpeitian Julian Elorza kaleko, Tren Museoaren aurreko eta anbulatorioko autobus geltokiak bertan behera utziko dituzte, 16:30etik 20:00etara artean. Tarte horretan autobusek Enparangain parean, saihesbidean, egingo dute geldialdia.
Azkoitia eta Donostia arteko autobusek larunbatean aldaketak izango dituzte Donostian. Azkoititik 14:45etik 19:45era arteko autobusek eta Donostiatik 15:05etik 21:05era artean irteten dutenek Donostian autobus geltokian bakarrik geldituko dira. Donostiatik ateratzen direnak irteera ordutik aurrera 15 minutuz egongo dira zain geltokian.
Zumaia-Zestoa-Azpeitia-Azkoitia-Urretxu-Zumarraga arteko UK06 zerbitzua indartu egingo dute Azpeitiko karnabalak direla eta. Hala, igandean, bi noranzkoetako autobus zerbitzuak 23:00ak arte luzatuko dituzte.
Astelehenean gaueko zerbitzuak
Astelehen Karnabalean gaueko autobus zerbitzua jarriko dute Azpeitia eta Azkoitia artean eta Azpeitia, Zestoa eta Zumaia bitartean.
Azpeititik (anbulatorio aurretik) Azkoitira 02:00etan, 03:00etan, 05:00etan eta 06:20an irtengo dute autobusek.
Zestoarako eta Zumaiako autobusek, berriz, Azpeititik irtengo dute 01:00etan, 02:30ean, 04:00etan eta 06:15ean.
