23. Korrikaren bueltako lanak antolatzen jarraitzeko hirugarren bilera egingo du Korrika batzordeak bihar –asteartea–. Aurrekoan bezala, Dinamoa sormen gunean elkartuko dira, 19:30ean. Saioa irekia da, eta antolatzaileek herritar oro gonbidatu dute bilerara.
Martxoaren 14tik 24ra egingo dute euskararen alde AEK-k antolatzen duen lasterketa erraldoia, Harro herri lelopean. Irunen (Gipuzkoa) hasiko da, eta Baionan amaitu.