Musika eta ikuskizuna gaua izango da ostiralean, martxoak 1, Sanagustin kulturgunean. 21:30etik aurrera hiru emanaldi desberdinez gozatzeko aukera izango dute herritarrek. Albina eta Divina dragek kolorez jantziko dute Sanagustin kulturgunea, antzerkiz, esperimentazioz, umorez eta aldarrikapenez betetako ikuskizunean. Eider Saez abeslariak, berriz, Loratzen lana aurkeztuko du, eta Haize Arrosa talde bizkaitarrak, aldiz, Ez dogu ezer zor diskoa. Uztarria Gukak Kulturazek emandako bi sarrera bikoitz zozkatuko ditu bazkideen artean. Bazkideek osteguneko 12:00etara arte izango dute zozketan parte hartzeko aukera.
Parte hartu nahi dutenek hemen eman beharko dute izena, edota, bestela, 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 51 da.