Atzo euriteen ondorioz, Urola eta Ibaieder ibaiek gainezka egin zuten Azpeitian zenbait puntutan, eta gaur biharamunean, ondorioak antzematen dira. Madalena auzoan, esaterako, Azpeitiko Udaleko brigadako langileak ari dira auzoa garbitzeko lanetan; garbiketa lanak bukatu bitartean Soreasutik Madalera arteko bidea itxita dago ibilgailuentzako.
Goizealdean, berriz, lur jausia izan da Azpeitia eta Beasain arteko GI-2635 errepidean, Matxinbentan; hain zuzen ere, Zuaneta baserritik gertu. Luizia gertatu berritan, errepidea garbitu bitartean itxita izan da ibilgailuentzako, baina ireki dute dagoeneko.
Ibai Eder urtegia gainezka dago, %101,36ko betetze maila du.