Gipuzkoako Forua Aldundiaren Treba Gurasoak programaren barruko hitzaldia emango du etzi, asteazkena, Leyre Cano trebatzaileak Azpeitian. Haurren eta nerabeen guraso direnak hezkuntza gaitasunetan trebatzeko hitzaldiak eta tailerrak eskaintzen ditu aldundiak Treba Gurasoak-en bidez; hain zuzen ere, etzi Azpeitian emango duten saioa haurren zein nerabeen gurasoei zuzenduta prestatu dute.
Arauak eta mugak familian. Nola ezarri era asertibo batean izeneko hitzaldia eskainiko du Canok Azoka Plazako goiko aretoan, 18:00etan hasita. Hitzaldia doan da, baina joan nahi duten gurasoei formulario hau betetzea eskatzen zaie. Asteazkeneko hitzaldian ere aldibereko itzulpen zerbitzua eskainiko dute.