Azkoititik, Azpeititik zein Zestoatik abiatuta, Korrikaren aldeko mendi irteera egin dute gaur, igandea, Xoxotera. Hiru herrietatik hasita, taldeka joan dira Xoxotera, eta asko izan dira egitasmoarekin bat egin dutenak. Aterpearen atarian elkartu dira taldeak, eta han argazkia atera dute guztiek.
AEK euskaltegiak, Anaitasuna mendi bazkunak, Lagun Onak mendi bazkunak eta Agiro mendi klubak Korrika Kulturalaren barruan antolatu dute txangoa.