Junior mailako 150 txirrindulari inguruk parte hartuko dute bihar, zapatua, 41. San Jose Txirrindularitza Sarian. Lagun Onak txirrindularitza elkarteak antolatu du proba. 15:30ean irtengo dute txirrindulariek Ikasberri ikastolaren aurretik, eta 84 kilometroko ibilbidea egin ondoren, 17:30 aldera iritsiko dira aurreneko txirrindulariak Loiola Hotelaren aurreko helmugara.
Azpeititik irten eta Iraetara egingo dute lehen joan-etorria txirrindulariek, gero Landetatik Goenara igo eta Garmendi Gainera jaitsiko dira. Loiolatik bueltan, berriro Iraeta joan-etorria egin beharko dute, eta handik Azpeitira bueltan, Gazteko biribilgunean ezkerretara Errezilgo bidea hartuta, bi alditan Altzarte Gainera joan-etorria egin beharko dute, eta gero, Azpeititik Loiorako hiribidean egongo den helmugara joango dira, han lasterketa bukatzeko.
