Burdinbideari buruzko Muga filmerako grabaketak egiten arituko dira bihar, ostirala, Azpeitian. Grabaketa lan horiek eragina izango dute trafikoan. Udalak jakinarazi duenez, gauean egingo dituzte trafiko mozketak. Urola kalean, 01:00etik 05:00etara, bost minutuka utziko diete pasatzen ibilgailuei, eta hainbat aparkaleku kendu egingo dituzte. Argindarra ere moztu egingo dute ordutegi horretan.
GI-361 errepidean ere bost minutuko etenak egingo dituzte trafikoan, AVIA gasolindegitik Burdinbidearen Euskal Museoaren parera arte. Lasaora doan bidegorrian ere izango du eragina grabaketak. 22:00etatik 02:00etara bitartean, bost minutuko mozketak egingo dituzte.