Cimasub Itsaspeko Zinemaren Nazioarteko Zikloak geldialdia egin du apirilean Azpeitian. Hilaren 10ean eta atzo itsaspeko munduari buruzko hainbat film ikusteko aukera izan zen Soreasu antzokian; eta datorren asteazkenean, hilaren 24an, izango da Soreasun Cimasuben ikus-entzunezkoen azken emanaldia.
Ikus-entzunekoez, gain, ordea, Cimasuben barruko argazki lehiaketan saritutako argazki batzuk ere ikusgai jarri dituzte aste honetan Sanagustin kulturgunean. Hamalau argazki dira, guztira, eta igandea bitartean ikus daitezke han.