Hirugarren Bota Bildurrikpe! bertso saioa egin zuten ostiralean Haginpe tabernan. Umorea oinarri eta ardatz dituen bertso saioa da Bota Bildurrikpe! , eta aurtengoan ere, umorez bete du taberna. 22:00ak ondo pasatuta hasi zen saioa, eta taberna goraino bete zen ordurako. Nerea Ibarzabal, Aitor Bizkarra, Andoni Egaña eta Aitor Tatiegi aritu ziren kantuan, Julen Iparragirre Txikik jarritako gaiei helduz. Ordu eta erdi iraun zuen bertso emanaldiak, eta ikusleek bero erantzun zuten hasieratik.
Hurrengo urtean berriro antolatzeko asmoa agertu zuten antolatzaileek.
