Hileko lehen asteartea izaki, maiatzeko udalbatzarra egingo du gaur Azpeitiko Udalak, 19:00etan, udaletxeko areto nagusian. Azpeitia Udalbiltza partzuergora atxikitzea, estali gabeko igerilekua kudeatzeko zerbitzuaren luzapena eta Ekindarren hobari eskaera dira landuko dituzten gai nagusiak.
Hona hemen, maiatzeko udalbatzarraren lan zerrenda osoa:
- Udalbatzak 2024ko apirilaren 16an egindako bilkuraren akta onartzea.
- Udabiltza partzuergora atxikitzea.
- Uda garaian estali gabeko igerilekua kudeatzeko zerbitzuaren luzapena onartzea.
- Azpeitiko Ekindar S.Coop-ek egindako hobari eskaera erabakitzea, Urrestillako 15. poligonoko 79 Kaminazpi lurzatian 1 MW-ko planta fotovoltaikoa jartzeko, Alkatetzak 2022/11/25ean emandako hirigintza baimenari dagokion eraikuntza, instalazio eta obren gaineko zergan.
- Alkatetzak 2024ko martxoan emandako ebazpenen berri ematea.
- Galderak eta erreguak.