Desgaitasuna duten pertsonei beren gaitasun juridikoa gauzatzeko tresnak eskaintzen dizkien lege erreformak pertsona horiengan zein beren senideengan izango dituen ondorioak hizpide izan zituzten atzo Azpeitian, Atzegik antolatutako hitzaldian.
Desgaitasun intelektuala duten pertsonen aldeko Gipuzkoako elkarteko Aloña Agirrek gidatu zuen hitzaldia; Tutoretza lege gisa ezagutzen denaren erreformaren xehetasunak eta ondorioak aletu zituen Agirrek Atzegiren Perez Arregiko egoitzan, eta bertaratutakoen zalantzak argitzen ahalegindu zen. Interesa piztu zuen deialdiak eta Atzegiko hainbat kide eta senide elkartu ziren hitzaldian.