Iraurgi ikastetxeko hainbat kidek ikasle eta langile ohien festa antolatu dute maiatzaren 25erako. Hori dela eta, ikastetxearen parte izan diren herritarrengana iritsi nahi dute, eta izen-ematea ireki dute festara animatu nahi dutenen zerrenda osatzeko. Iraurgi Astearen barruan antolatu dute aurten aurrenekoz ikasle eta irakasle ohien eguna.
Maiatzaren 25ean, 12:30ean jarri dute elkartzeko hitzordua Iraurgiren HH eta LHko eraikinean, Betharrametako eraikinean, hain zuzen. Behin elkartu ostean, 13:30ean poteoa egingo dute ikastetxeko tabernan. Ondoren, bazkaria izango da 15:00etan hasita. Festari bukaera emateko 17:00etan DJ emanaldia eskainiko dute Kanpaxek eta Fury-k.
Ikasle eta langile ohien egunean parte hartu nahi dutenek honako galdetegi hau bete beharko dute sustatzaileek festa ahalik eta ondoen antola dezaten.