Aurreikuspen okerrenak bete ziren atzo Realarentzat Zaragozako (Aragoi, Espainia) La Romareda zelaian. Espainiako Koparen finalean, Bartzelona ahalguztidunak ez zion ezustekoari zirrikiturik utzi eta 8-0 hartu zuen mendean Donostiako futbol taldea.
Porrotaren mingarria alde batera utzita, Reala Espainiako Koparen txapeldunordea da, eta lorpen horren parte izan dira txuri-urdinen talde nagusian ari diren bi azpeitiarrak, Elene Viles eta Mirari Uria. Biek aulkian ekin zioten finalari. Vilesek azken minutuak jokatu zituen, 81. minutuan Emmaren ordez zelairatuta; Uriak, aldiz ez zuen zelairatzeko aukerarik izan.