Seniorretako mutilen Bigarren Mailako Disdira Bitxitegia ISB taldeak Lehen Mailara igotzeko lauko finala jokatu zuen asteburuan, Leioako Askartza Claret ikastetxean (Bizkaia); eta neurketa biak irabazita, Lehen mailara igotzea lortu du. Larunbat arratsaldean, Loiola Indautxuren kontrako finalaurrekoa 85 eta 71 irabazi zuen David Rodriguezek zuzentzen duen taldeak. Atzo, igandea, berriz Araberri Basketen kontrako finala jokatu zuten, eta Iraurgiko gizonen bigarren taldea izan zen nagusi, 83 eta 75 irabazita.
Asteburuan, kadete nesketako Moviltek ISBk, berriz, Espainiako txapelketa jokatu du Galizian. Talde honek, ordea, 63 eta 72 galdu zuen Traumacor Culleredoren aurka.