Udaberriko Kontzertuak egitasmoaren barruan, Juan Antxieta musika eskolakoek bi emanaldi eskaini zituzten atzo arratsaldean Sanagustin kulturgunean. 18:00etan hainbat instrumentu jo zituzten musikari gazteek, eta segidan, 19:30etik aurrera, piano ikasleen txanda izan zen.
Datorren hilean ere bi kontzertu eskainiko dituzte Juan Antxieta musika eskolakoek; ekainaren 5ean, Sanagustinen izango da, eta ekainaren 12an ikasturte bukaerako kontzertua eskainiko dute Soreasu antzokian.
Juan Antxieta musika eskolan datorren ikasturterako matrikulazio epea zabalik dute maiatzaren 31ra bitartean. 2 urtetik gorakoentzako eskaintza zabala du, eta informazio gehiago jaso nahi duenak antxieta@antxieta.eus helbide elektronikora idatzi dezake edota 656 00 80 40 telefono zenbakira deitu.