Gaurtik aurrera Azpeititik Oñatzerako GI-3181 errepidea zenbait ordutan itxi egingo dute, konponketa lanak egin behar dituztelako. Hain zuzen ere, ezponda bat konponduko dute harri-lubeta bidez, eta, horretarako, beharrezkoa izango dute errepidea 1+630 kilometro-puntuan ixtea. Lanek astebete iraungo dutela aurreikusi dute.
Ohi bezala sartu ahal izango da errepidera, baina etenda egongo da lanak egiten ari diren puntutik aurrera, honako ordutegian: 08:45etik 13:00etara eta 14:00etatik 17:00etara. Kasu jakinetan, errepidea moztuta egon arren, pasatzeko aukera egongo da, baina ahal duten neurrian beste bide batzuk erabiltzeko eskatu diete bizilagunei.