Kontxi arrandegia saltokiak Gipuzkoako Merkataritza Bazkundearen 10 Bitxiak sarietako bat jaso du. Erakundeak Gipuzkoako hamar saltoki saritu zituen maiatzaren 25ean, eta horien artean Azpeitian eta Zestoan saltoki bana duen Kontxi arrandegia.
Saltokiak Urola Kosta eskualdeari dagokion bitxia jaso zuen. Saria Gipuzkoako Merkataritza Enpresa Sarien ekitaldian banatu zituzten, eta han izan ziren Kontxi arrandegiko ordezkariak. Sariarekin arrandegiaren 37 urteko ibilbidea aitortu dute, eta egunero alboan dituzten bezeroak eskertu dituzte arrandegikoek.