Bizikletaren gainean agurtuko dute ikasturtea Jostarratz egitasmoan. Izan ere, datorren astelehenean, hilaren 10ean, Urrestillara bizikleta irteera antolatu dute Udaleko Gazteria Sailak, herriko ludotekekin eta Bertan merkatari elkartearekin elkarlanean, eta joan nahi dutenek ostiralean izango dute izena emateko azken eguna, lotura honetan.
HH5etik LH6ra arteko haurrek eta beraien gurasoek parte hartu ahal izango dute irteeran, eta antolatzaileek jakinarazi dutenez, lau haurreko heldu batek eman beharko du izena. Halaber, bost urtetik beherako anai-arrebek ere parte hartu ahal izango dute.
Hori hala, hilaren 10ean, 16:00etan, Betharrameko patioan elkartuko dira bizikletak hartuta, eta itzulera 19:00etan egingo dute.
Jostarratz egitasmoa herriko haurrei eta helduei aisialdirako espazioak eskaintzeko eta euren artean harreman parekideak sustatzeko asmoarekin abiatu zuten.