Elizkaleko Korputz jaiak martxan dira. Juan Antxieta musika eskolako txistulariak izan dira aurten ere ostegun arratsaldeko kalejirarekin festen lehen ekitaldia osatu dutenak; 18:00etan hasita, kalean gora eta behera ibili dira txistulariak.
19:00etan parrokian egingo duten hildako kaletarren aldeko meza izango dute gaurko beste hitzordua, eta ostiralean eta zapatuan jarraituko dute Korputzak ospatzen. Hau da biharko eta etziko festa egitaraua:
Bihar, ostirala
- 18:00. Juan Antxieta musika eskola gaztetxoen kalejira.
- 19:30. Kantu Jirakoen kalejira.
- 20:30. Jauregi eta Garazi trikitilariekin erromeria.
Etzi, larunbata
- 13:00. Itsasi taldeko dantzarien saioa.
- 19:30. Trikirilariekin kalejira.
- 20:00. Lagunarteko afaria, Main tabernan. Afarirako izena tabernan bertan eman behar da.
- 22:30. Imuntzo eta Beloki trikitilarien emanaldia.
- 00:00. Zozketako zenbaki irabazlea aterako dute.
