Terminus: aldaketaren escape-boxa ekintza edota esperientzia antolatu dute Ekoetxean iganderako, ekainaren 16rako. Parte hartzaileek hainbat erronka gainditu beharko dituzte. "Abentura epiko bat zuretzat eta zure familia osoarentzat, non planeta salbatzeko borrokan protagonista izango zareten. Presta zaitezte erronka zirraragarriei aurre egiteko, denboraren aurka borrokatzen duzuen bitartean. Klima-aldaketari gehien laguntzen dioten ekintzak ezagutuko ditugu, eta gure ohiturak aldatu behar ditugula ulertuko dugu, iraunkorragoak izateko", azaldu dute iganderako ekintza Ekoetxeakoek.
Familiei (7 urtetik aurrerakoei) zuzendutako ekintza da igandekoa. Bi saio egingo dituzte, 10:00etan aurrenekoa eta 11:30ean bigarrengoa. Doan da parte hartzea, baina horretarako aurrez izena eman beharko da honako loturaren bidez.