Musika doinuek alaitu zuten atzo Soreasu antzokia, Juan Antxieta musika eskolako ikasleek bertan eskaini baitzuten 2023-2024 ikasturtearen amaierako jaialdia. Aldaketara bidean izena jarri zioten Juan Antxietakoek emanaldiari, Perdillegiko egoitzatik Soreasuko kulturgunera egingo duten lekualdaketari erreferentzia eginez. Dozenaka ikaslek ikasturtean zehar ikasitakoak eskaini zituzten jendaurrean, eta askotariko erakustaldiekin alaitu zuten antzokia. Herritar ugari bertaratu zen jaialdiaz gozatzera.