Gimnastika erritmikoko Loretoki eskolako ikasleek ikasturte bukaerako erakustaldia eskaini zuten atzo, ostegunez, Azpeitiko kiroldegian. Urtean zehar eskuratutako abileziak erakutsi zituzten atzo herritarren aurrean, 18:30ean hasitako jaialdian. Jantzi eta makillaje bereziak soinean, askotariko koreografiak eskaini zituzten dozenaka gaztetxok.
Hurrengo ikasturteko izen-ematea zabalik dute Loretokin. Gimnastika erritmikoko eskolan izena eman nahi dutenek azpeitia.gimnastika@hotmail.com helbidera idatzi eta kirol patronatuko instalakuntzetara jo dezakete.
(Argazkia: Loretoki)