Amaitu dituzte Karmelo Etxegarai ikastolaren Euskal Herria kaleko eraikineko jolastokiko obrak, eta erabilgarri daude herritar guztientzat. Zehazki, estali egin dute jolastokiko eremuaren zati bat eta jolaserako gune berriak jarri dituzte.
Udalak azaldu duenez, saltoka aritzeko ohe elastikoak, zintzilikatzeko barrak eta eserita egoteko guneak jarri dituzte estalitako eremuan. Diseinua egiterakoan, inklusibitate irizpideak kontuan izan eta irisgarritasuna bermatzeko neurriak hartu dituzte.
Estalkiak 227.509 euroko aurrekontua izan du eta 82.158 eurokoa eremu berria egokitzeko lanek. Urbitarte enpresak egin ditu eraikuntza lanak.
