Urteroko ohiturari jarraituta, San Joan bezperan, sua piztuko dute Azpeitiko plazan, eta haren bueltan ikuskizun berezia eskainiko dute Juan Antxieta musika eskolako eta Luis Beltza dantza eskolako dantzariek.
Aurrena, San Joan suaren piztea egingo dute, eta ondoren, 22:00etatik aurrera, eskainiko dute dantza eta musika uztartuko dituen emanaldi berezia. Gaua borobiltzeko, herritarrek ere izango dute dantzara ateratzeko parada, baita ikasturtean zehar erabilitako koaderno eta liburuxkak sutara botatzeko tartea ere.