Uda sasoiarekin batera iritsi dira beste urte batez udaleku irekiak. Gaur, hilak 24, hasi dira Azpeitiko Udaleko Gazteria Sailak antolatutako udalekuak, eta horiei gogotsu ekin diete ehunka haur eta gaztetxok. Orotara, 500dik gora lagunek eman dute izena aurtengo udalekuetan. Ohi bezala, lau txandetan egingo dituzte udalekuak, gaurtik uztailaren 24ra bitarte.
Txikienak Betharrametako jolastokian elkartu dira haien hezitzaileekin eta taldekideekin, eta gaztetxoak Gaztelekuan. Handik, herrian barrena sakabanatu dira, udalekuetako lehen eguneko ezagutza jolasak egiteko.
Era berean, gaur hasi dira Iraurgiko eta Ikasberriko udalekuak.
(Argazkiak: Aitziber Arzallus)