Hogeita bosgarren eta azkeneko aldiz, Damasoko festak ospatu zituzten atzo, larunbatez. Goizean eguraldiak askorik lagundu ez bazuen ere, arratsaldetik aurrera ateri egin zuen, eta auzoko plazan egin zituzten prestatutako ekintzak. Iagomagok magia ikuskizuna eskaini zuen arratsaldean, eta poteoaren ostean, afariak egin zituzten. Damasoko ikurra izan zen Damaxek ere egin zuen agerraldia, baita Damasotarrak txaranga zenaren bonboak ere.
Eguna amaitzean, urteetan zehar festak antolatzen aritu direnei aitortza egin zieten, egindako lana goraipatuta.
(Argazkiak: Damasoko bizilagunak)