San Inazio eguneko, uztailaren 31, pilota jaialdirako sarrerak dagoeneko salgai jarri dituzte. Jaialdia Izarraitz pilotalekuan izango da, 22:30ean hasita.
Binakako bi pilota partida jokatuko dituzte. Aurreneko partida Agirre eta Ugartemendiak Alberdi II.aren eta Eskirozen kontra jokatuko dute. Bigarren partida, berriz, Artolaren eta Mariezkurrena II.aren eta Lasoren eta Albisuren artekoa izango da.
Kantxako sarrerek 30 euro balioko dute eta palkokoek, goiko harmailetakoek, 20 euro. Sarrerak lotura honen bidez eros daitezke.