Gaur, 19:00etan, egingo dute udaletxeko areto nagusian uztaileko ohiko udalbatzarra, eta lan zerrenda bete-betea izango dute udal ordezkariek udako oporren aurreko azken ohiko osoko bilkuran.
Hau da gaurko lan zerrenda osoa:
- Udalbatzak ekainaren 4an eta 18an egindako bilkuren aktak onartzea.
- Udalaren 2023ko kontu orokorra onartzea
- 2023ko ekitaldian kontu-hartzaileak adierazitako eragozpenen txostena.
- 2024. ekitaldirako udalaren, bere erakundeen eta Azpeitia Berritzen SAren ordainsarien igoera onartzea.
- Udalbiltza Partzuergoan udalaren ordezkariak izendatzea (titularra eta ordezkoa).
- Azpeitiko Euskara Patronatua desegiteko akordioa onartzea eta bertan eskaintzen diren zerbitzuak udalak bere bitartekoen bidez zuzenean kudeatzea.
- Azpeitiko Kirol Patronatua desegiteko akordioa onartzea eta bertan eskaintzen diren zerbitzuak udalak bere bitartekoen bidez zuzenean kudeatzea.
- Azpeitiko herrirako zarata mapa diagnostikoaren onarpena.
- Azpeitiko Udalaren VII. Plangintzaldirako erabilera plana: Euskararen Erabilera Normalizatzeko Plan Estrategikoa 2023-2027.
- 2025eko ekitaldiko herriko jaiegunaren berri ematea.
- Alkatetzak 2024ko maiatzean emandako ebazpenen berri ematea.
- Palestinari buruzko mozioa
- Galderak eta erreguak.