Ekoetxeak jarduera berria antolatu du hilaren 14rako: Menpera ezazu zure landareen zaintza iraunkorra izenburu duen esperientzia egingo dute egun horretan, hain zuzen, Azpeitiko Ekoetxean. 7 urtetik gorako haurrentzako zein helduentzako saioa izango da, euskaraz, eta parte hartzeko interesa duenak aurretik izena eman beharko du honako lotura honetan.
Besteak beste, landareak modu jasangarrian mantentzeko teknika berritzaileak eta aholku praktikoak ikasiko dituzte bertan; hala nola ongarri naturalak erabiltzen, modu eraginkorrean ureztatzeko euri-ura birziklatzen eta landareak sendo eta zoriontsu hazteko ingurunea sortzen. Halaber, landareek ekosisteman duten garrantzia aztertuko dute.
Jarduera 11:00etatik 12:30era izango da, doan.