Goizeko festaren ondotik, atzo arratsaldean ere izan ziren ekitaldian Azpeitian. Zezen plazan errekortari txapelketa ari zen bitartean, Frontoi Txikian Marieta Zirkusen emanaldia izan zen. Jende ugari animatu zen ikuskizunaz gozatzera, haur zein heldu.
Horrez gain, eguneko azken hondarrak ere festa giroan igarotzeko, Jainekin txaranga kalerik kale ibili zen, bazterrak musikaz girotzen. Tolosako taldeak ez du hutsik egiten Azpeitiko festetan, eta urtero bezala, Santio eguna borobiltzeko lanak ederki bete zituen.