Etxean baztertuta eta ahaztuta zituzten objektuak apaindu eta berritu zituzten atzo Azpeitiko Ekoetxean elkartu ziren zenbait haurrek eta beraien gurasoek. Eraldatu zure objektuak bota aurretik! izenburupean antolatu zuen saioa Ekoetxeak, 10:30etik 12:00etara bitartean. Joan zirenei hainbat trikimailu eta teknika erakutsi zizkieten material ezberdinen bitartez objektuak apaintzeko eta berritzeko.