Aste eta erdiz itxita egon ostean, gaur zabaldu dituzte Udal Igerilekuko barruko igerilekuak eta kiroldegia, baina igerilekuen kasuan, abuztuko ordutegiarekin. Astelehenetik larunbatera 09:00etatik 13:00etara eta 16:00etatik 20:00etara egongo dira zabalik, eta igandeetan 09:00etatik 14:00etara.
Kiroldegiak, berriz, ohiko ordutegia izango du: astelehenetik ostiralera 10:00etatik 13.00etara eta 15:00etatik 22:00etara egongo da zabalik, larunbatetan 08:30etik 20:30era, igandeetan 09:30etik 20:30era, eta jaiegunetan 09:30etik 13:00era.
Igerilekuaren eraikineko gainerako zerbitzuek eta instalazioek ere, hala nola gimnasioa edo sauna, ordutegi mirritzagoarekin jarraituko dute hilabetea bukatu artean. Astelehenetik zapatura 09:00etatik 14:00etara eta 16:00etatik 20:00etara, eta igandeetan eta jaiegunetan goizez bakarrik erabili ahal izango dira, 09:00etatik 14:00etara.
Kanpoko igerilekua, aldiz, egunero irekiko dute irailaren 29a arte, 11:00etatik 20:00etara.