Atzo aurtengo aizkorako Urrezko Kopa jokatu zuten Donostiako Trinitate plazan, eta Mikel Larrañaga azpeitiarrak bigarren egin zuen, Iker Vicente nafarraren atzetik. Vicente laugarren aldiz lortu zuen Urrezko Kopa bereganatzea, 2019an, 2020an eta iaz ere berak jantzi baitzuen txapela. Otsagabiagoak (Nafarroa) 29:30:39 denboran bukatu zituen lanak, eta azpeitiarrak bi minutu eta erdi gehiago behar izan zituen (32:00:24).
Bi horien atzetik, Hodei Ezpeletak hirugarren lekuan bukatu zuen (34:08:41); Ibai Soroak laugarren egin zuen (36:58:31); eta bosgarren eta azken Julen Alberdi Txikia IV.a azkoitiarrak egin zuen (37:30:12).
(Argazkiak: Ibon Errazu)