Udako oporraldia bukatuta, ikasturte berriko lehen irteera antolatu dute Baigera jubilatuen eta pentsiodunen elkarteko mendizaleek. Biharko egin dute hitzordua, eta Azpeitiko, Azkoitiko eta Zumarragako mugetako tontorretan ibiliko dira.
09:00etan Azpeitiko plazan elkartu ondoren, Martirietara joango dira Baigerako mendizaleak autoz. Handik abiatuta, Samiño, Oleta eta Otsolarre inguruetan egingo dute ibilaldia, atzera Martirietara jaitsi aurretik.
Biharko irteeran parte hartu nahi dutenek 685 72 02 72 telefono zenbakira deitu behar dute.