Iraileko ohiko udalbatzarra egingo dute gaur, 19:00etan, udaletxeko areto nagusian. Besteak beste, 2024. ekitaldiko hirugarren kreditu aldaketa izango dituzte hizpide.
Hona hemen gaurko udalbatzarrean landuko dituzten gaiak:
- Udalbatzak 2024ko ekainaren 4an eta 2024ko uztailaren 2an egindako aktak onartzea.
- Azpeitiko HAPOko Alde Zaharra 1. H.E. hirigintza-eremuaren hiri-antolamendurako plan bereziari behin betiko onarpena ematea.
- Azpeitiko igerilekuan eskaintzen diren kirol-zerbitzuak kontratatzeko espedientea.
- Azpeitiko Udalaren eta Azpeitia Berritzen SAren informazio segurtasuna bermatzeko politika onartzea eta segurtasun-antolaketa ezartzea.
- Azpeitiko Udalaren eta bere erakunde autonomoen eta udal enpresa publikoaren lanpoltsak kudeatzeko irizpideak onartzen duen erregelamenduaren hasierako onarpena.
- Azpeitiko Euskara Patronatua desegiteko akordioa onartzea behin betiko izaeraz.
- Azpeitiko Kirol Patronatua desegiteko akordioa onartzea behin betiko izaeraz.
- 2024ko aurrekontuan onartutako 3. kreditu aldaketaren berri ematea.
- Alkatetzak 2024ko ekainean eta uztailean emandako ebazpenen berri ematea.
- Galdera eta erreguak.