Eguraldi ederra lagun dutela, eta giro are hobean, goizean goiz hasita Azpeitiko Kriket Txapelketa jokatzen ari dira Goenan. Hamasei talde ari dira nor baino nor lehian, Azpeitikoak eta Azkoitikoak ere bai, baina baita urrunagotik etorritakoak ere: Ordizia (Gipuzkoa), Donostia, Burgos (Espainia), Madril, Bartzelona... Egun guztia iraungo du txapelketak, 21:00 aldera bukatzea aurreikusten baitute. Ordurako erabakiko da zein den talderik onena, 19:00 aldera hasita jokatuko duten finalean.