Azken urteetako ametsa bete zuen atzo, igandea, Zumaiako Telmo Deunen nesken traineruak: Euskotren ligan aritzeko txartela lortu zuen taldeak atzo eguerdian Portugaleten jokatutako play-offean. Sufritutakoa izan zen eta horregatik, denak pozarren ziren atzo arratsaldean Zumaiako Erribera kalean. Maila igoera lortu duen Zumaiako traineruko lau kide azpeitiarrak dira: Mirian Garagartza, Ainhoa Segurola, Leire Ibar eta Amane Jimenez.
Zumaian atzo arratsaldean harrera egin zieten Zumaiako arraunlariei zaleek eta udal agintariek. Aurretik, Gukaren galderei erantzuteko tartea hartu zuten Mirian Garagartza arraunlari azpeitiarrak, Kike Manterola entrenatzaileak nahiz Aintzane Urbieta eta Jule Egiguren arraunlari zumaiarrek.
Hona argazkietan Zumaian arraunlariek atzo jasotako harrera: