Uda igarota, gaurdanik ikasturteko ohiko ordutegia izango dute Gazte Informazio Bulegoak (GIB), Alde Zaharreko Iturritxiki eta Sanjuandegiko Txiki-Txoko ludotekek nahiz Gaztelekuak.
Astelehenetan, asteazkenetan eta ostiraletan 10:00etatik 12:30era irekiko dute Sindikatu Zaharrean kokatuta dagoen Gazte Informazio Bulegoa, eta astearteetan eta ostegunetan, berriz, 17:00etatik 19:00etara.
Herriko bi ludotekak, aldiz, astelehenetik ostiralera egongo dira irekita, 17:00etatik 19:30era bitartean, eta Gaztelekuak ere ordutegi berbera izango du, baina astelehenetan itxita izango da. Hori bai, Gaztelekua zapatuetan ere erabilgarri egongo da, 16:30etik 20:00etara.