Hiru edukiontzik su hartu dute goizaldean, 04:00 aldera, Azpeitiko Garate Anaiaren auzunearen eta Perdillegi kalearen artean. Ertzaintzak jakinarazi duenez, dagoeneko itzali dute sua, baina gertaerak kalteak eragin ditu. Izan ere, ondoan aparkatuta zegoen auto bati eragin dio suak; ez da erabat kiskali, baina kalte nabariak izan ditu. Ertzaintzak adierazi duenez, oraindik ez dakite sua norbaitek piztutakoa izan ote den.