Esklabak Zentro Sozialistaren VI. urteurren festa izango da zapatuan, eta Kontseilu Sozialistak egitarau oparoa prestatu du egun osorako. Besteak beste, YK Ridersen ikuskizuna, Potx pailazoaren emanaldia, bazkaria, umore saioa, boxeo ikuskizuna, parrillada eta kontzertuak izango dira Esklabetan.
Ekitaldietarako sarrerak salgai daude oraindik ere. Egun osoko bonua hamabost euro ordaindu beharko da, eta sarrerak Haginpen edo Kontseilu Sozialistaren Instagram kontuan eskura daitezke. Boxeo ikuskizunerako nahiz kontzertuetarako sarrerak, berriz, zortzi eurotan eskuratu ahal izango dira.
Hona hemen, Zentro Sozialistaren VI. urtemugarako egitaraua:
- 11:00. YK Ridersen ikuskizuna.
- 12:00. Potx pailazoaren emanaldia.
- 14:00. Bazkaria.
- Ondoren, Apuntau kedadie umore saioa.
- 17:30. Boxeo ikuskizuna.
- 19:30. Parrillada.
- 20:30. Kontzertuak: DJak eta Mutiko&Denso.