Azpeitiko KZgunean prest dute azaroko ikastaro eskaintza. Zortzi ikastaro emango dituzte guztita eta, ohi ez bezala, ia denak euskaraz izango dira; denak, bat izan ezik, hain justu. Gainera, guztiak emango dituzte aurrez aurre, KZgunearen Enparan dorretxeko geletan.
Hau da datorren hilerako euskarazko ikastaroen eskaintza:
- WhatsApp. Bat-bateko mezularitza zure smartphonean
- Aurrez aurrekoa.
- Sei ordu.
- Azaroaren 15etik 19ra, 11:00etatik 13:00etara.
- Online izapideak Osakidetzarekin
- Aurrez aurrekoa.
- Lau ordu.
- Azaroaren 18an eta 19an, 18:00etatik 20:00etara.
- Androiden mantentze lanak. Luzatu zure gailuaren bizitza
- Aurrez aurrekoa.
- Lau ordu.
- Azaroaren 20an eta 21ean, 11:00etatik 13:00etara.
- Atera argazkiak une bakoitzerako zure smartphonearekin
- Aurrez aurrekoa.
- Lau ordu.
- Azaroaren 22an eta 25ean, 11:00etatik 13:00etara.
- Argazkiei ukituak eman zure smartphonearekin
- Aurrez aurrekoa.
- Lau ordu.
- Azaroaren 26an eta 27an, 11:00etatik 13:00etara.
- Ofimatika tresnak - LibreOffice
- Aurrez aurrekoa.
- 20 ordu.
- Azaroaren 4tik 15era, 18:00etatik 20:00etara.
- Google aplikazioak zure smartphonean
- Aurrez aurrekoa.
- Hemezortzi ordu.
- Azaroaren 4tik 14ra, 11:00etatik 13:00etara.
Izena emateko
Ikastaroetan izena eman nahi dutenek, hainbat aukera dituzte horretarako. Alde batetik, KZgunera joanda; une honetan KZgunera aldez aurretik hitzordua eskatuta bakarrik joan daiteke, zentroko telefonora deituta (943-02 36 20). Bestetik, telefonoz deituta –ikastaroan izena telefono bidez emateko KZguneko erabiltzaile izatea derrigorrezkoa da–. Eta, horrez gain, KZgunearen webgunean ere egongo da telematikoki izena emateko aukera. KZgunean edo ikastaroetan izena emateko laguntza behar dutenek ondoko bideotutorialak kontsulta ditzakete, esteken gainean klik eginez:
Azpeitiko KZgunea Enparan dorretxean dago eta astelehenetik ostiralera dago irekita, 09:00etatik 13:00etara eta 16:00etatik 20:00etara.