Tuba Jaialdiaren XIV. edizioa izango da urriko azken asteburuan. Ostiralean eta zapatuan izango dira egitasmoaren sustatzaileek antolatutako hitzorduak. Besteren artean, tailerrak, kontzertuak, kalejira, entseguak, otorduak nahiz pailazoen musika emanaldia izango dira.
Jaialdiaren barruko emanaldietan parte hartu nahi duten musikariek tubajaialdia@gmail.com helbide elektronikoan eman beharko dute izena. Bestalde, jaialdiari bukaera emango dion pailazoen musika emanaldirako sarrerak salgai jarri dituzte. Gari, Montxo eta Joselontxo pailazoek Tuba zirkoan ikuskizuna eskainiko dute Soreasu antzokian, eta sarrerak 4,5 eurotan eskura daitezke honako lotura honetan.
Hona hemen aurtengo Tuba Jaialdiaren egitaraua:
Urriak 25, ostirala
- 17:00-19:00. Aire metalezko musika tresnen tailerra David Muñozekin, Julian Barrenetxea musika eskolan.
- 19:30. Ikastaroko ikasleen kontzertua, Perez Arregi plazan.
- 20:00. Kantubajira, Perez Arregi plazatik Jose Artetxe auzora bitartean.
Urriak 26, zapatua, Tuba Eguna
- 09:00. Musikariei ongietorria, Azpeitiko Musika Bandaren egoitzan.
- 09:15. Beroketa saioa, Lluis Verderekin.
- 10:00-13:00. Entseguak.
- Goizean zehar, Wup Luthier zerbitzua musikarientzako (konponketa txikiak eta ajusteak)
- 11:00. Hamaiketakoa, Arauntza elkartean.
- 15:00. Entsegu orokorra.
- 18:30. Tuba zirkoan emanaldi berezia, Tutik Clowns konpainiarekin.