Azaroarekin batera iritsi da aurten ere Azpeitiko Jubilatuen Astea. Gaur hasi eta datorren iganderaino, askotariko ekintzak izango dituzte aukeran herriko jubilatuek eta pentsiodunek, Baigera elkarteak antolatutako egitarauaren barruan.
Gaur, asteari ekiteko, bingo berezia izango dute Baigerra II-n, Sanjuandegiko egoitzan, 16:00etan hasita; ekintza bera izango dute bihar, 17:00etan, Baigera I-eko tabernan. Igandean, berriz, ohi dutenez, ospakizun giroan agurtuko dute astea, bazkariarekin eta aurten 90 urte egiten dituztenei aitortza eginez.
Hau da Baigerak 2025eko Jubilatuen Asterako prestatu duen egitaraua:
Gaur, astelehena
- 16:00. Bingo berezia, Baigera II-ko tabernan.
Bihar, asteartea
- 17:00. Bingo berezia, Baigera I-eko tabernan.
Etzi, asteazkena
- 16:30. Hitzaldia: Nahi ez den bakardadea eta horrek ondoez emozionalean eta osasun mentalean duen eragina, Luis Legorburu Elizegi psikologoarekin, Basazabal jauregian.
- Ondoren, mokadutxoa Baigera I-en.
Azaroak 7, osteguna
- 15:00. Reale Arenara bisita gidatua.
- Ondoren, Aginagako sagardotegira.
Azaroak 8, ostirala
- 16:30. Bingo berezia, Baigera I-eko aretoan.
- Eguneko zentrokoentzat txokolate jana.
Azaroak 9, zapatua
- 09:00. Mendi irteera: Madariaga-Aittola.
- Gero, hamaiketakoa Aittola Zaharren.
Azaroak 10, igandea
- 11:00. Hamaiketakoa, Baigera I-en.
- 12:30. Hildako bazkideen aldeko meza, parrokian.
- 14:15. Omenaldi bazkaria eta opari banaketa 90 urte betetzen dituztenei, Azoka Plazan.