Bingo berezian jokatuz ekin diote Baigerakoek aurtengo Jubilatuen Asteari. Dozenaka lagun bildu dira arratsaldean Baigera II-ko tabernan, Sanjuandegin, bingoan jokatzeko. Gaurkoaz gain, datorren igandera bitartean askotariko ekintzak izango dituzte aukeran herriko jubilatuek eta pentsiodunek, besteak beste, bingo bereziak, irteerak eta hamaiketakoak.
Hau da Baigerak 2025eko Jubilatuen Asterako prestatu duen egitaraua:
Bihar, asteartea
- 17:00. Bingo berezia, Baigera I-eko tabernan.
Etzi, asteazkena
- 16:30. Hitzaldia: Nahi ez den bakardadea eta horrek ondoez emozionalean eta osasun mentalean duen eragina, Luis Legorburu Elizegi psikologoarekin, Basazabal jauregian.
- Ondoren, mokadutxoa Baigera I-en.
Azaroak 7, osteguna
- 15:00. Reale Arenara bisita gidatua.
- Ondoren, Aginagako sagardotegira.
Azaroak 8, ostirala
- 16:30. Bingo berezia, Baigera I-eko aretoan.
- Eguneko zentrokoentzat txokolate jana.
Azaroak 9, zapatua
- 09:00. Mendi irteera: Madarixa-Aittola.
- Gero, hamaiketakoa Aittola Zaharren.
Azaroak 10, igandea
- 11:00. Hamaiketakoa, Baigera I-en.
- 12:30. Hildako bazkideen aldeko meza, parrokian.
- 14:15. Omenaldi bazkaria eta opari banaketa 90 urte betetzen dituztenei, Azoka Plaza.