Bizitza onerako alternatibak erakusketa zabaldu dute Azpeitiko Emakumeen Txokoan. Duela hilabete batzuk Azpeitian izan ziren Lumaltik Herriak gobernuz kanpoko erakundeko kideak, "bizimodu hobeak eraikitzen lagunduko duten sareak sortzeko lan prozesua" gidatzen. Hain zuzen ere, prozesu horren hausnarketan oinarrituta dago Emakumeen Txokoko erakusketa, sareak sortzeko proposamenak modu bisualean bildu baitzituzten. Azpeitiko lan prozesua bakarrik ez, Gipuzkoako beste herri batzuetan egindakoa ere jasotzen du erakusketak.
Erakusketa ikusgai egongo da azaroaren 14ra bitartean, astelehenetik ostegunera 09:00etatik 19:00etara eta ostiralean 09:00etatik 13:00etara, Azpeitiko Emakumeen Txokoan.
(Argazkiak: Azpeitiko Emakumeen Txokoa)