Xoxoteko aterpetxeak neguko ordutegia izango du asteburu honetan hasi eta apirilaren 6ra arte. Beraz, astelehenetik ostegunera bitartean aterpea itxita egongo da, eta asteburuetan ireki egingo dute honako ordutegiarekin: ostiraletan 12:00etatik 17:00etara eta larunbatetan eta igandeetan 09:00etatik 17:00etara. Abenduko zubian, hilaren 5etik 8ra zabaldu egingo dute aterpea bertako arduradunek jakinarazi dutenez, eta baita Gabonetan ere, abenduaren 20tik urtarrilaren 6ra arte.
Ostatu zerbitzua ere zabalik izango dute ostiraletan, larunbatetan, abenduko zubian eta Gabonetan.
Xoxoteko aterpeko informazioa jaso nahi dutenek 943-58 10 07 telefono zenbakira deitu dezakete edota aterpea@xoxotekoaterpea.com helbide elektronikora idatzi.