Kids&Us ingeles akademiak Betty snow surprise izeneko ipuin kontaketa saioa eskainiko du datorren asteartean, azaroak 26, Azpeitiko liburutegian. 17:30ean hasiko da HH3ko haurrei eta beren familiei zuzendutako saioa, eta doakoa izango da.
Betty ardi txikia da ipuineko protagonista. Berak ez du inoiz elurra ikusi, baina basoan bizi diren pertsonaia batzuk ezagutu eta elurretan nola bizi diren ikusteko aukera izango du.
Ipuin kontaketa saiorako aurrez izena eman beharko da 688 81 55 06 edota 943-15 71 95 telefonoetakoren batera deituta. Horretarako azken eguna ostirala, hilak 22, izango da.