Azaroaren 27an, hileko azken asteazkenarekin, egingo dute azaroko odol ateraldia Odol Emaileen Elkarteko Azpeitiko ordezkariek. Elizkaleko Bizi Berri eraikineko beheko solairuko lokalean egin dute hitzordua, hilero legez, 16:30etik 20:30era.
Datorren asteazkenean odola ematera joan nahi dutenek, baina, aurrez hartu behar dute txanda, eta horretarako bi bide dituzte. Gaurtik astearte goizera arte, gotatanta.eus webgunean eman dezakete izena; eta asteazkenean bertan, 08:30etik 13:30era, 943-00 78 84 telefono zenbakira deituta ere bai.